entropia
iz. Fis. Sistema batean lana egiteko erabilgarri ez den energia kantitatearen adierazgarri den magnitude termodinamikoa.
(Euskaltzaindiaren hiztegia)

Nabaria da, ia kasik irrigarria, editorial bati hiztegiko definizio bat jartzea goiburukotzat. Baina La Espiral-ek kaoserako nolabaiteko joera irudikatzen du, bestalde naturaren alderdi guztietan somatu daitekeen joera, sormenean bereziki. Eta zalapartatsuegi dirudigun mundu baten, neurri fisiko honek argitu egiten digu noizik behinean arrastaka garamatzala senti dezakegun hitzen zurrunbilo honen barneko bidea. Ezagutza da, historian zehar izan denez, heldulekurik seguruena, uren hondoan amaitu nahi ez badugu.

Entropiak, nahiz eta bere definizioa nahasgarri izan daitekeen, sistemen homogeneotasuna neurtzen du. Nahiz eta hau izaera zientifiko eskaseko argitalpena den, gure erredaktoreei imaginaziorik falta ez zaien heinean baimena eman diogu geure buruari analogia bat asmatzeko. Demagun mundu baten bizi garela zeinetan gizakien iritziak errotik bereiziak dauden, eta non egitateen interpretazioa interes politiko zentzugabekoen araberakoa den, pertsonek erkidetasuna duteneko errealitateen bitartekoa baino. Kontu egin dezakegu, beraz, entropia txikiko giro honetan, zeinetan barrundatua eta egiazkoa hain desberdinak diren, akaso topaketaranzko joera egongo dela. Ideien edukiak eraisten eta elkarbanatzen joango direla, hortaz zentzugabekeria eta bereizpena barreiatuaraziz, oreka xume eta arduragabe bati bidea zabalduaz.

La Espiral-etik, ahal dugun beste emango dugu joera horri mesede egiteko. Azken finean literaturak, online mundua den moketa zikinean hauts tanto nimiñoa den aldizkari honen ardatza dena, antzeko printzipio bati erantzuten dio: printzipioz bateraezinak lirudiketen ideiak harrapatzen ditu eta elkarrekin oratu guri ezer berria eskaintzeko; elementu horien elkarreratze barik existituko ez zen ezer, alegia.

Ongi etorriak, beraz, gure zurrunbilora.