Fotografía: A. M.

Gauzak erosten ditugu

espiritua hornitzeko,

apaletan jarri eta

han ahanzten ditugu.

Arimaren barneko pareta zikinak

margozten ditugu,

bista alaitzeko,

hor barnekoa

inork

inoiz

ikusiko ez duela badakigu ere.

Biltzen ditugu

gauza hauek eta haiek dakarten

ametsak eta esperantzak,

eta pilatu egiten ditugu

memoriaren zirrikituetan.

Hain garaiak direnaz

ikusi ere egin ez daitezkeen

tontorrak dituzte

gauza mordo hauek.

Gure denbora diruagatik aldatzen dugu

eta diru hori apaingarriengatik

gure arima neke eta higatuak

atontzeko.

Eta nola arima beteaz goazen,

hala sentite gara hutsago

egunero.

Eta iluntzero pentsatzen dugu

gauza guzti hauen pisua arrastaka

daramagula,

su garbitzaile bat eskertuko genukeela,

ariman dagoen gauza eta

toki eta memoria guztiak

erre ditzana,

berriro

zerotik hasteko.

Ezpalak ateraz noa

ene atzazkalen azpitik, baina

baduzu zuk inarrik?

2016/11/29

The following two tabs change content below.

• Bio
• Latest Posts

Jokin Erkoreka

Bilbotarra, musikaria, poeta eta athleticzalea, bereziki. Beste hainbat gauza hein askotarikoetan: maitale transozeanikoa, garagardogilea, eta txakur baten gurasoa. Gasteizen, Bartzelonan eta Aberdeen-en bizia. Deustun ikasi nuen zuzenbidea, eta kaleetan beste guztia. XIII. Blas de Otero lehiaketaren irabazlea.

Latest posts by Jokin Erkoreka (see all)

• azalberritu - 2 ekaina, 2021
• (es) mailukiak - 6 martxoa, 2018
• (es) Pupitredun aula - 30 urtarrila, 2018
• (es) Espiritua hornitzeaz - 28 abendua, 2016